Актерката и советник од Гостивар, Бафтиу Зулбеари: Сите да дадеме поддршка за жените кои се борат со канцер

Членовите на советот на Општина Гостивар и останатите присутни во салата кадешто денес се одржа седница, добија чоколатца со порака во знакот на месецот на борба против канцер на дојка, октомври. Им ги подели актерката и советничка Вјолца Бафиту Зулбеари, која во оваа прилика истакна дека за жените кои се борат со оваа болеста поддршката е најважна и треба да ја добиваат од сите.

„На ваков начин сакам да изразам поддршка за сите наши сестри, мајки, баби, тетки, пријателки, за сите девојки кои се болни од оваа лоша болест. Да им дадеме голема поддршка и волја да се борат и што побрзо да оздрават, да имаат сила да се борат за нивниот живот. Чоколадите кои лично ги правев, се со мото: Сакај го својот живот, твојот живот е многу вреден за оние што те сакаат.“, рече Бафтиу Зулбеари.

Советничката доаѓа од редовите на ДУИ, чиј огранокт вечерва во Гостивар ќе организира панел дискусија на тема канцер на дојка, на која ќе учествуваат и лекари специјалисти од областа.