АМСМ: Состојба на патиштата – Укината забраната крак Маврово – Дебар

За сите оние кои планираат да патуваат. Интензитетот на сообраќај на патните правци надвор од градските средини е умерен и се одвива по влажни коловози, наместа со остатоци од кашест снег на коловозот по интервенција на дежурните екипи на Македонија Пат.

Од 07:30 часот забраната за сообраќај за тешки товарни возила на патниот правец крак Маврово – Дебар се укинува.

На граничните премини нема подолги задржувања за влез и за излез од државата. Оваа информација се однесува само за македонската страна на премините.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се наместа влажни, па поради ниските температури карактеристични за вечерните и утрински часови постои можност и од појава на голомразица.