Бејрут ден после експлозијата пустош и рушевини, бројката на загинати се искачи над 100

Според последните информации, во страотната експлозија која го потресе Бејрут загинаа повеќе од 100 луѓе, додека околу 4.000 се повредени.

Причината за експлозијата уште останува мистерија и додека некои тврдат дека можеби станува збор за напад, властите изјавија дека во таа област се ракувало со високо експлозивни материјали, па оттаму и експлозијата.

Либанскиот премиер Хасан Диаб изјави дека „неприфатливо е товарот на амониум нитрат, проценет на 2.750 тони, да се чува складиран шест години, без никаков надзор“, рече тој, додавајќи: „Ви ветувам дека оваа катастрофа нема да помине без одговорност. Одговорните ќе ја платат цената“, рече Диаб во телевизиското обраќање.

Прогласена е тридневна жалост во Либан.