Без благо не бива! Маркиза торта, идеален десерт за сите

Голем дел од луѓето не можат да си го замислат денот без десерт. Тоа едноставно им е неизбежен дел од навиките во исхраната. Се разбира, со благото не треба да се претерува, ама кога ќе ви се јави желба за благо, барем нека биде домашно подготвено. Не сме сите мајстори во кујната, но кога веќе периодов и онака поминуваме многу време дома, може да се обидеме да подготвиме некои едноставни торти, колачи и слични десерти.

Почнете од Маркиза торта!

состојки:

300 грама бисквити

1 кутија пишкоти

250 грама маргарин

250 грама шеќер во прав

200 грама мелени лешници

200 грама чоколадо

подготовка:

Најпрво изматете ги маргаринот и шеќерот во прав, па додајте ги лешниците и добро измешајте. Растопете го чоколадото на пареа, па додадете го во филот со маргарин, шеќер во прав и лешници. Потопете ги бисквитите во малку вода или овошен сок и наредете еден дел во калап за торта. Врз нив ставете фил и така по ред – ред фил, ред бисквити. На крај од страните наредете ги пишкотите. Може да украсите со рендано чоколадо. Оставете ја тортата во фрижидер еден час, а потоа можете да ја сервирате.