Без победник на дербито на колото помеѓу ФК Гостивар и Пелистер (1-1)

Дербито на колото во Втората македонска фудбалска лига кое се одигра денска на Градскиот стадион во Гостивар помеѓу ФК Гостивар и Пелистер заврши без победник (1-1).

Гостиварци брзо дојдоа во водство со голот на Симеон Христов во 7. минута. Каланоски се најде сам со голманот на Пелистер, по шутот, Христов прв стигна до одбиената топка за водство од 1-0. Радоста на домаќините траеше до 29. минута, кога по еден слободен удар од полудесно Љамчевски биеше неодбранливо за домашниот голман за израмнување 1-1, резултат со кој се замина на паузата.

Вториот дел донесе борбена и изедначена игра. Повеќе се играше на половината на Пелистер, Гостивар се обидуваше да стигне до втор погодок, но битолчани успеаа да ја сочуваат мрежата за поделба на бодовите.

По денешното 16-то одиграно коло, Воска и Вардар се најдоа на делба на првата позиција на табелата во ВМФЛ со по 46 бодови, Гостивар е трет со 44, Пелистер на 4. позиција со 40 бодови.

Во следното коло ФК Гостивар му гостува на Воска Спорт во Охрид.