Поврзи се со нас

Гостивар

„Бјонсе“ го помести терминот – КК Гостивар и МЗТ 2 ќе играат во петок од 19 часот

Петнаесеттото коло од најелитното кошаркарско натпреварување во земјава ќе го отворат во петок екипите на КК Гостивар и МЗТ 2.

Овој несекојдневен термин за кошарка во Гостивар е по „вина“ на Донован Доналдсон. Имено, како ни објаснија од кошаркарскиот клуб американецот изразил желба да ја искористи репрезентатаивната пауза и веднаш по натпреварот одлета за САД како би ја видел „Бјонсе“. Инаку „Бјонсе“ е девојката на Доналдсон, чие вистинско име е Бриана, а во КК Гостивар помеѓу пријателите и играчите е „Бјонсе“. Сите во клубот се сложија дека на Дон, мора да му се излезе во пресрет.

Па така, утре во петок со почеток од 19 часот ќе се сретнат второпласираната и последнопласираната екипа на табелата. После шок поразот на гостиварци во Гевгелија, „младите штркови“ доаѓаат во вистински момент. Гостиварци имаат 10 победи и 4 порази сезонава, додека младата екипа на МЗТ 2 сеуште нема победа во ова натпреварување. После ова коло следи тринеделна пауза поради обврските на репрезентацијата.

Овој натпревар гостиварската публика го очекува со големо нетрпение и поради најновата инвестиција на КК Гостивар, американскиот центар Ентони Ли. Ли пристигна пред неколку денови во Гостивар, од клубот велат дека се е подготвено за деби на новата „петка“, се чека само дозвола од ФИБА.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!