Благодетите на чајот од цимет

И кога времето е топло и кога времето е студено, честопати се свртуваме кон билни чаеви кои нè радуваат, освен што ни помагаат да внесеме доволно количество течност во организмот.

Еден таков чај кој носи придобивки е чајот од цимет. Може да го подобри здравјето на срцето, да ги ублажи менструалните грчеви, да го намали воспалението и нивото на шеќер во крвта.

Еве зошто чајот од цимет треба да е меѓу првите во вашиот избор:

Полн е со антиоксиданси

Чајот од цимет содржи многу антиоксиданси, корисни соединенија кои ви помагаат да останете здрави. Студијата која ја споредувала антиоксидантната активност на 26 зачини покажала дека циметот го надминуваат само каранфилчето и ориганото.

Може да го намали воспалението

Студиите сугерираат дека соединенијата во циметот можат да гo намалат воспалението. Ова може да биде исклучително корисно, со оглед на тоа што се смета дека воспалението е основата на многу хронични болести, вклучувајќи ги и срцевите заболувања. Исто така, се вели дека може да го намали крвниот притисок, како и нивото на триглицериди и ЛДЛ (лошиот) холестерол.

Помага во борбата против бактериите и габите

Циметот има некои моќни антибактериски и антигабични својства. На пример, истражувањата покажуваат дека цинамалдехидот, главната активна компонента на циметот, го спречува развојот на разни бактерии, габи и мувла. Тие вклучуваат бактерии како што се стафилококи, салмонела и ешерихија коли.

Може да ја намали менструалната болка

Според истражувањата докажано е дека чајот од цимет може да ја намали менструалната болка и да ги олесни тие болни таканаречени женски денови.