„Чернодрински се враќа дома“ ја воодушеви гостиварската публика

Аплаузи, одлична изведба, задоволна и добро расположена публика. Во ваква атмосфера помина синоќешната претстава ,,Чернодрински се враќа дома“ од Горан Стефановски, дипломска претстава на класата на професор Рубенс Муратовски во Центарот за култура АСНОМ во Гостивар.

Младата и веќе професионална актерска екипа ги оправда очекувањата на публиката во Гостивар. Со одличната актерска игра на сцената, го одзеде и задржа целото внимание на гостиварската публика, која реагираше со воодушевување и аплаузи.

Улогите во ,,Чернодрински се враќа дома“ ги играа: Марко Дојоски, Моника Ставревска, Дарко Карбески, Емилија Петрова, Мартин Минговски и Мишо Димитријевски.

“Најстрашни се оние времиња кога самиот дом се претвора во туѓина, во џенем, во јабана. Кога човек е на своето огниште а саштисан и отуѓен како змија да го полазила. Кога е внатрешно раселено лице. Кога ,,т’гата,, не е поради отсуство туку поради присуство. Кога седи среди куќи, а не може да си ја препознае домата. На друго место, други места, ДОМА…”, стои во мислата на великанот на македонската драматургија, Горан Стефановски.