DeepSpot – Најдлабокиот базен на светот

Во декември 2020 година, беше отворен најдлабокиот базен во светот. Сместен е во полскиот град Машцонов, на околу 45 минути возење од Варшава. Ја освои титулата затоа што има длабочина од дури 45 метри.

DeepSpot има волумен од 8000 кубни метри. Наменет е за обука на нуркачи, па затоа е исполнет со интересни работи – од подводна пештера до мал потонат брод.

Оние кои не се осмелуваат да се нурнат на оваа длабочина, можат да прошетаат низ подводниот тунел и да уживаат во неверојатните сцени опкружени со нуркачи.

Комплексот DeepSpot нуди разновидни програми за спортисти и рекреативци и вклучува хотел со соби кои имаат подводен поглед на длабочина од пет метри. Целиот проект се градеше околу две години, а за него беа потрошени околу 8.8 милиони евра.

DeepSpot ја презеде титулата најдлабок базен од италијанскиот базен Y-40 The Deep Joy,  кој е длабок 42,15 метри и е отворен како дел од хотелот Терме Милепини во Монтегрото Терме кај Падова во јуни 2014 година.

Прашање е колку долго тој ќе ја задржи таа титула со оглед на тоа што на полуостровот Вирал во Мерсисајд, Велика Британија се планира да се гради истражувачки базен длабок 50 метри.