Дерби на колото: КК Гостивар го пречекува Куманово

Во последниот натпревар во 2017 година, во сабота 23.12.2017 во 18:00 часот, КК Гостивар го пречекува КК Куманово. Најавено како дерби на колото во директна борба за третото место, можеби и директниот противник за место во Супер лигата. Натпревар во кој “бело-сините” влегуваат после три последователни победи, екипата на Куманово има серија од четири победи. Кумановци се најофанзивна и најефикасна екипа во досегашниот дел од првенството.

Во екипата на Марјан Србиновски владее победничка атмосфера, после подолго време целосно комплетни без повредени играчи, последниот тренинг максимално го одработија сите кошаркари.

Еуфоријата меѓу љубителите на кошарката во Гостивар не спласнува, и овој натпревар се очекува да биде вистински спектакл, влезници скоро да нема на благајните, може да се набават во Royal Garden, Baby Blue, Relax и People club. Пред натпреварот организирана е забава во Royal Garden, каде на сите присутни ќе бидат поделени бесплатни шалови.

Поддршката од трибините на овој меч на “бело-сините” им е повеќе од потребна. Кошаркарите, тренерот, управата ги повикуваат сите љубители на кошарката од Гостивар, да дојдат и дадат поддршка на овој натпревар..