Деведесетина пензионери од Гостивар на бесплатна бања

Министерството за труд и социјала ја објави листата на пензионери кои ќе отпатуваат на бесплатна бања во март и април, во рамки на проектот за бесплатна бањско-климатска рекреација за пензионери.
Од Гостивар и гостиварско на листата има 90-тина пензионери. Како и во претходните години поради близината, за гостиварските пензионери е определено да ја посетат Дебарска бања.
Првата смена заминува на 28 март, додека втората на 3 април.
Со проектот за бањско – климатска рекреација пензионерите добиваат шест полни пансиони, а за време на престојот задолжително имаат и лекарски преглед. Исто така обезбедени се и средства за превоз до бањата.
Бесплатната бањско-климатска рекреација се реализира десетта година по ред.