Девојка во Италија вакцинирана со 6 дози Фајзер по грешка

23 годишна Италијанка завршила во болница, откако по грешка примила шест дози од вакцината против коронавирус на Фајзер. Медицинска сестра наместо да аплицира една доза вакцина од шишенцето, во раката на Италијанката ја ставила целата количина со вкупно шест дози.

Како што пишуваат тамошните медиуми, девојката била третирана со парацетамол и инфузија по утврдувањето на грешката и по 24 часа опсервација била пуштена дома во добра здравствена состојба. Нејзината состојба ќе се следи и понатаму со анализи и тестови.

Производителот Фајзер има тестирано предозирање со вакцината со најмногу четири дози. Случаи на предозирање со оваа вакцина до сега се регистрирани во Германија и Израел, а кај лицата не се појавиле сериозни несакани ефекти.