До 15 часот во општина Гостивар гласале 17,6% од избирачите

Според последните податоци на Државната изборна комисија за излезноста, до 15 часот во општина Гостивар своето право на глас го искористиле 17,6% од вкупното гласачко тело.

На подрачјето на општина Врапчиште, до 15 часот гласале околу 12,5% од вкупниот број на гласачи, додека во општина Маврово Ростуше 15%.

До затворање на избирачките места остануваат уште околу три часа за гласање. Граѓаните имаат можност да го дадат својот глас за еден од тројцата кандидати за претседател на државата. За победа во првиот круг потребно е мнозинство гласови од вкупниот број избирачи, или над односно 900 илјади. Доколку никој не ги освои потребните гласови, во вториот круг на 5 мај, влегуваат двајцата кандидати со најмногу гласови, а победува тој што ќе го добие мнозинство од гласовите, ако гласаат над 40% од запишаните избирачи.