Доделени 27 решенија за вработување во болницата „Д-р Ферид Мурад“ во Гостивар

Гостиварската болница се засили со нов медицински персонал. Како што информираат од установата, на последниот ден од 2019-та (31 декември), директорот д-р Јакуп Јакупи додели 27 решенија за вработување на нов кадар и тоа: 6 лекари по општа пракса, 12 медицински сестри, 5 сестри акушерки, еден физиотерапевтски техничар, еден дипломиран физиотерапевт, еден лабораториски техничар, еден дипломиран лаборант.

Во текот на минатата година во болницата биле остварени околу 80 вработувања. Управата најави дека се следи состојбата со пензионирањата и тековно се доставуваат барања до Министерството за нов кадар. Нивна оценка е дека главно од гостиварската болница нема напуштање на кадар заради иселување, туку се празнат места заради пензионирање.

Во гостиварската општа болница се вработени над 500 лица.