Домашен сок од нане за освежување во топлите денови

Во овие топли денови најдобро е да пиете вода. Покрај водата, обично се препорачуваат разладени чаеви од билки и пијалоци направени од природни сокови и сирупи. На сите им се советува да избегнуваат газирани и сокови полни со концентрирани шеќери, бидејќи тие само моментално ја гаснат жедта и го зголемуваат нивото на шеќер во организмот.

Сируп кој ќе ви даде освежување, а во исто време ќе направи здивот да остане свеж, можете да направите дома без никаква мака. Овој сируп од нане кој се пие разреден и ладен, веднаш ќе го разолади и освежи вашето тело.

Постапката за подготовка е иста како и за подготовка на кој било друг сируп – сируп од бозел, багрем и слично.

Потребни состојки :

еден литар вода

килограм шеќер

половина лимон

10 грама лимонска киселина (две лажички)

10 гранчиња нане.

Начин на подготовка :

Свежото нане измијте го со вода и исечкајте го. Така исецкано измешајте го со шеќерот и лимонската киселина. Прелијте го со водата и оставеете да одстои 24 часа.

Во зависност од тоа колку сируп сакате да направите или колку нане имате, понатамошните размери се 20 гранчиња – 2 литри вода, 2 килограми шеќер и така натаму.

Во секој случај, овој сируп ќе го обожавате, како поради неговиот освежителен вкус за овие топли денови, така и поради фактот дека нането ќе ви го направи здивот свеж и пријатен. А тоа е двојна корист.

Уживајте!