Еден од родителите може да отсуствува од работа додека траат антикорона мерките

На еден од родителите на дете до 10 годишна возраст ќе му биде дозволено да отсуствува од работа без оглед дали е вработен во јавниот и приватниот сектор, додека се затворени градинките и училиштата како превенција од ширење на коронавирус.

„Отсуството од работа во рок од 14 дена, ќе му биде целосно платено. Во оваа прилика апелирам до родителите да се почитува седењето дома, а не да се оди по игротеки, како што беше случај при епидемијата на морбили. Децата да бидат во домашни услови е важно заради заштита на нивнот здравје.“, изјави министерот за здраство Венко Филипче.

Владата по препорака на Комисијата за заштита од заразни болести, донесе одлука училиштата, градинките и факултетите да не работат во наредните две недели.