Технологија
„Епл“ ја загуби битката, еден полнач за сите мобилни телефони во ЕУ
Apple ќе мора да го промени конекторот на уредите „iPhone“ што се продаваат во Европа до 2024 година, бидејќи земјите и законодавците на ЕУ се договорија за единствена порта за полнење на мобилни телефони, таблети и камери да биде USB-C.
Ова е прва одлука од ваков вид во светот, откако компаниите не успеаја да се договорат за заедничко решение. Европската комисија се залагаше за една порта за полнење на мобилни уреди пред повеќе од една деценија, пренесува Ројтерс .
Корисниците на телефоните „ајфон“ и „андроид“ долго време се жалат дека мора да користат различни полначи за уредите. Првиот се полни со помош на кабел „Lightning“, додека уредите базирани на „андроид“ системот се напојуваат со USB-C конектор.
„Договорот што го направивме утринава на потрошувачите ќе им донесе заштеда од околу 250 милиони евра. Исто така, ќе овозможи нови технологии како што е безжичното полнење да се појават и созреваат, без да дозволи иновациите да станат извор на фрагментација на пазарот и непријатности на потрошувачите“, рече еврокомесарот за индустрија Тиери Бретон.
Според него, до есента 2024 година USB-C ќе стане заедничка порта за полнење на сите мобилни телефони, таблети и камери во ЕУ, се вели во соопштението на Европскиот парламент.
Комисијата тогаш соопшти дека нема намера да му наштети на Apple и дека одлуката е донесена затоа што и покрај десетгодишните разговори, компаниите не успеале да се договорат за заедничко решение.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар