Филипче: Се испитуваат уште 8 лица за коронавирус, околу 200 во домашна изолација

Околу 200 лица треба да останат во домашна изолација, а тестирање за корона им се врши на 8 лица, рече на втората, попладневна прес конференција, министерот Венко Филипче, во врска со состојбата со коронавирусот во земјава.

„Двајца членови на семејството на докторката кај која е потврден короавирус се во изолација, истото се однесува и за 64 вработени на Клиниката за демратологија, 11 пациенти кои биле хоспитализирани и 13 кои се лекувале во дневната болница. Сите се со различен степен на ризик, но сепак сметаме дека кај сите треба да се примени оваа мерка. Во текот на викендов имало стручно предавање на дерматозоли на кое присуствувале 103 лица и кај сите е дадена мерка домашна излозација. Од нив 3 биле од Грција, за што лично го известив тамошниот Министер за здравство. Ова со што се соочивме денес, е нешто што многу не` разочара. Директорката во првата следна можност ќе биде разрешена, со огле дека сега е период на избори. Одговорност ќе има за секој што нема да се придржува до пропишаните мерки. Повторно апелирам, до сите на кои им е препишана мерката домашна изолација, да се придржуваат до тоа. Загрозувањето на јавното здравје е сериозен прекршок.“, изјави министерот.

Филипче информира дека се врши анализа за уште 8 пациенти на Инфективната клиника. Пациент кој престојувал во Бугарија и неговата сопруга, наш државјанин кој се вратил од Сингапур пред три дена, 4 кои имале контакт со семејството хоспитализирано од Дебарско и едно лице од Гевгелија.