Филипоски: СДСМ носи решенија за проблемите на граѓаните, ВМРО-ДПМНЕ носи обнова на режимот

„Граѓаните прават јасна разлика меѓу одговорното, државничко однесување на СДСМ и незрелото, деструктивно, антинародно дејствување на ВМРО-ДПМНЕ. Со СДСМ иднината е сигурна, тоа е иднина во ЕУ и НАТО, иднина со повисоки плати, со стабилна економија, иднина со осигурано здравје на граѓаните. Понудата на СДСМ на овие избори е понуда која носи план за успешно справување со последиците на корона кризата, уште посилен економски раст, уште поодговорни институции, уште понагласен напредок, подготвивме мерки кои обезбедуваат ред, правда и дисциплина. Денес, нашата држава ги решава проблемите на граѓаните на ефикасен и праведен начин. Денес државата обезбедува почитување на законите и неселективна казнивост за криминалот, обезбедува еднакви шанси за сите. Додека СДСМ носи одлуки и решенија за проблемите на граѓаните, од друга страна е понудата на ВМРО-ДПМНЕ која нуди само обнова на режимот.Граѓаните го гледаат незрелото и опасно однесување на Мицкоски и ВМРО-ДПМНЕ и ќе го казнат на 15 јули.“, подвлече кандидатот за пратеник од редовите на СДСМ од Гостивар, Драгољуб Филипоски.

Во своето денешно излагање во рамки на кампањата за Парламентарните избори 2020-та Филипоски додаде дека партијата што ја претставува има кадри кои државата ја водат на прав пат, додека политичките противници не ги признаваат успесите и создаваат непријатели.

„раѓаните знаат кој носеше одлуки на отворена сцена, пред нив и со нив – а кој нема став, кој се крие – кој бега од одговорност. Кој не собра храброст ни да аплаудира во македонското Собранието кога го ратификивавме нашето членсто во НАТО, кој постојано се заканува со поништување на Договорот од Преспа. Јавноста е сведок кој носи антикризни мерки за помош на работниците и економијата, а кој по налог на Мицкоски блокира средства од 90 милиони евра од Светска банка. Јасно е, СДСМ носи сојузници, ВМРО-ДПМНЕ носи непријатели. СДСМ нуди кадри кои државата ја однесоа на прав пат, ВМРО-ДПМНЕ нуди истрошени кадри на Груевски. Затоа на 15 јули граѓаните ќе го казнат незрелото, неодговорно и опасно однесување на ВМРО-ДПМНЕ и Мицкоски. На 15 јули граѓаните ќе одберат интеграција наместо изолација, ќе одберат мир наместо конфликти, ќе одберат неселективна правда наместо сваровски судство, ќе одберат едно општество наместо поделби. На 15 јули граѓаните ќе одберат да продолжиме по правиот пат и нема да дозволат обнова на режимот.“, изјави Филипоски.