ФК Гостивар ќе им исплати 30% на фудбалериоте кои не добија помош од АМС

Со пандемијата на Ковид-19 застанаа сите спортови во земјава, ставајќи ги спортистите и спортските клубови во несакана ситуација.

Фудбалскиот клуб Гостивар одлучи на своите членови кои не беа опфатени од мерките на Агенцијата за млади и спорт да им исплати по 30% од платата иако за тој период немаа никаков ангажман.

Клубот аплцирал за сите играчи, но прифатени биле само 14, на останатите деветмина фудбалери кои биле одбиени од АМС клубот ќе им исплати плати од сопствениот буџет.

„Од Агенцијата за млади и спорт, не им се даде минимална плата на сите играчи, за оние кои беа одбиени, клубот ќе обезбеди средства. Ќе исплатиме 30% од нивната плата, иако тие не беа активни. Ќе останеме лојални на фудбалерите и во овие два месеци“, изјави претседателот на клубот, Валерим Исени.

Фудбалскиот клуб Гостивар имаше амбиции да обезбеди место на табелата кое води во бараж завршницата за влез во Првата лига, но одлуката на ФФМ вторите лиги во земјава да не продожат, ги угаси надежите на гостиварци кои го завршија натпреварувањето на 5. место на табелата, во 2МФЛ – Запад.

Паузата поради коронавирусот, управата на гостиварскиот второлигаш го искористи за санирање на дел од недостатоците, на Градскиот стадион Гостивар.