ФК Врапчиште: Се заблагодаруваме на сите кои го помогнаа детското катче во Врапчиште

Пред некое време во Врапчиште беше пуштено во употреба ново детско катче, со нови реквизити наменето за дечињата од ова место.

Катчето е изградено со финансиски средства собрани од локалните жителите на Врапчиште, а местото е овозможено од верската заедница „Eski cami“ која ќе продолжи да стопанисува и грижи за истото.

Фудбалскиот клуб од ова место, Врапчиште 1958 го понесе најголемиот товар во реализацијата на овој проект, но како велат големо е задоволството кога се прави нешто за родното место.

„Сакаме јавно да им се заблагодариме на сите кои го помогнаа и поддржаа овој проект. Детското игралиште беше реална потреба во ова место, иако ни беше многупати ветувано, на крај го изградивме самите со заеднички сили на жителите на Врапчиште, верската заедница и ние како фудблски клуб кои се нафативме да го проектираме, организиаме и изведеме игралиштето, поради што задоволството на крај е многу поголемо. Како и до сега, така и за овој проект деновиве транспарентно ќе го споделиме извештајот за сработениот проект. Уште еднаш изразуваме искрена благодарност за сите кои го овозможија ова детско катче”, велат од ФК Врапчиште 1958.

Од ФК Врапчиште, уште упатуваат апел, најсериозно да се свати опасноста од коронавирусот која го погоди целиот свет и максимално да се почитуваат препораките на здравствените институции, како при секојдневните активности така и при посета на детското катче во Врапчиште.