Гостивар и турската општина Килис на чекор до збратимување

Општина Гостивар и општина Килис – Турција  потпишаа договор „Повелба за добри намери“ со кој се утврдува меѓусебна помош меѓу двете општини и одржување на меѓусебната соработка во иднина. Делегација на турската општина, предводена од директорот за културата Махмут Селџук, вчера престојуваше во Гостивар и оствари средба со градоначалникот на Гостивар, Арбен Таравари.

„Потпишувањето на овој договор отвора пат за збратимување на двете пријателски општини, што ќе се формализира на една од наредните седници на Советот на Општина Гостивар. Општините ќе соработуваат на економски, образовен, културен и спортски план, како и во други области од општествениот живот.“, соопштија од општинската служба за информирање.

Општина Килис се наоѓа во централно-јужниот дел на Турција и има околу 100 илјади жители.