Гостивар-Пет казни за превоз на патници со неисправни комбиња и автобуси

На подрачјето на Секторот за внатрешни работи Тетово, вчера (29 ноември) од 8 до 12 часот спроведе е акциска контрола на возила кои вршат јавен превоз на патници, најмногу автобуси и комбиња. При контролата откриени и законски санкционирани биле 11 технички неисправни возила (Тетово-6 и Гостивар-5). Седум од нив имале неисправни сопирачки, две неисправни светлосни уреди, 1 бил со истечена регистрација и 1 со неизвршен технички преглед. Сите технички неисправни возила веднаш се исклучени од сообраќај и на возачите и правните и одговорните лица изготвени им се соодветни поднесоци. Глобите за техничка неисправност се движат од 120 до 400 денари во денарска противвредност, соопшти полицијата.

При контролата, исто така, со адекватни поднесоци заокружени се и 5 други видови сообраќајни прекршоци.

Секторот за внатрешни работи Тетово повторно со повик и укажување до учесниците во јавниот превоз на патници редовно да ја проверуваат техничката исправност на возилата во кои превезуваат патници и да ја прилагодат брзината според условите на патот, но и возилата да ги управуваат лица со соодветна  возачка категорија.