Гостивар: Закани, напади и приведувања поради долгови

Полицијата регистрира два случаи во Гостивар поврзани со закани и напади поради долгови.

Ноќеска (28 септември) околу 1 часот и 10 минути, полициски службеници на Одделението за внатрешни работи Гостивар ги лишиле од слобода Р.Е.(32) од скопски Крушопек и Б.А.(29) од скопски Буковиќ, кои половина час пред тоа биле пријавени од 31-годишниот гостиварец А.Н. дека му се заканувале поради нивни нерасчистени должничко-доверителски односи. Двете лица од скопско задржани се во Полициската станица Гостивар за целосно расчистување и документирање на случајот, по што ќе им бидат изготвени соодветни поднесоци.

Исто, ноќеска (28 септември) педесетина минути по полноќ, 22-годишниот гостиварец М.Н. во СВР Тетово пријавил дека вечерта околу 20 часот и 45 минути на улица „Браќа Ѓиновски“ во Гостивар, тој и неговиот другар M.Н. физички биле нападнати од три лица поради нерасчистени должничко-доверителски односи. Во нападот, според пријавеното, едниот од нив користел и метален предмет. Се расчистува и документира случајот, извести СВР.