Гостивар: Жена искршила прст во машина во фабрика, момче се затруло со таблети

Лекарите во гостиварската болница вчеравечер имале полни раце работа. Два од случаите кои ги третирале се издвојуваат. Гостиварка го искршила прстот во машина во фабрика во која работела,  додека момче од Добри Дол добило труење од таблети.

Како што информираат од полицијата, на 30-годишна гостиварка додека работела  во фабрика во селото Здуње, и се закачил џемперот на производната лента, па сакајќи со левата рака да го откачи, палецот и се заглавил во машината и се здобила со фрактура. По укажаната лекарска помош во Ургентното одделение во гостиварската болница жената била пуштена на домашно лекување.

Дваесетгодишно момче од Добридол, пак, било донесено во болницата со симптоми на труење. Според кажувањето на неговото семејство, тоа посегнало по таблети-антидепресиви во моменти на емоционална растревоженост и тага. Лекарите му пружиле медицинска помош и го пуштиле дома.