Удрил со кола во дете и побегнал

Тригодишно дете било повредено вчера во сообраќајна несреќа што се случила на споредна улица, во близина на поранешно Жито Шар во Гостивар. По возачот, кој веднаш побегнал од местото, се трага.Според информациите од портпаролот на СВР Тетово, Марјан Јосифоски, несреќата била регистрирана околу 15 часот. За сега непознато лице со автомобил удрило во детенцето и без да застане, со голема брзина продолжило да се движи кон друга улица.

Повредениот тригодишник бил пренесен во гостиварската општа болница каде му била укажана медицинска помош. Лекарите констатирале дека детето се здобило со повреда на десното стапало и за среќа немало посериозни повреди. По добиениот лекарски третман било пуштено дома.

Од полицијата соопштуваат дека работат на откривање на несовесниот возач.