Гостиварка нападната од бездомно куче

Триесет и петгодишната гостиварка А.Ј., вчера (12 септември) во СВР Тетово пријавила дека на улица „18 Ноември“ во Гостивар била касната од куче скитник.

Последниот период зачестени се нападите од бездомни кучиња. Глутници се собираат на различни локации, сеат страв, дел од нив се агресивни, а гостиварци реагираат дека некогаш поради чопорите кучиња не можат слободно да се движат по улица и бараат да се преземат мерки.

Градоначалникот Арбен Таравари пред десетина дена за проблемот кажа дека општината преку ангажирање оператори врши третман на животните, но дека се носат кучиња од други градови и затоа ги има во толкав број низ улиците.

Од СВР Тетово пак, рекоа дека кај нив никој до сега не пријавил појава на транспортирање и истоварување кучиња скитници на гостиварското подрачје.