Холандски средношколци поради Covid-19 од ескурзија се враќаат со брод едреник

Група од 25 холандски средношколци одлучиле, од Карибите во Холандија да се вратат со брод едреник, како би го избегнале летот со авион и можноста во него да се заразат со вирусот COVID-19.

Учениците, чиј одмор требало да заврши на Куба билетите за авион ги замениле со билети за брод, со кој тргнале назад за Холандија. Пандемијата им го променила планот и сега учениците на возраст од 4 до 17 години се на пат за дома долг 7000 километри.

Патот ќе го поминат на едреникот, долг 60 метри со име “Див лебед“, заедно со 12 искусни морнари и тројца наставници. Организаторот на пловидбата смета дека ова петнеделно патување, учениците ќе го паметат, односно ќе научат лекции за цел живот.

“Децата мораа да се прилагодат на големи промени. Од Холандија дојдоа со авион на Карибите за да едрат. Тоа е неверојатно само по себе. И одеднаш поради коронавирусот морате да го промените цел програм и да се вратите назад преку океанот. Овие се најфлексибилните ученици за 2020. А бродот „Дивиот лебед“ океанот го преминал преку 20 пати така што за екипажот ова е рутина.“- вели Кристоф Мејер, чија компанија е организатор на екскурзијата.

Тој истакнува дека децата, на шега се нарекувале “пиратите од Карибите“, а сега имаат нов прекар “воините од океанот“.