Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 28/07/2018

Интервју со Менсур Јакупи – Тренер на ФК Гостивар

Доаѓа од новата генерација на фудбалски тренери со УЕФА Про лиценца во македонскиот фудбал. Беше селектор на младинските селекции до 17 и 19 години. Последните неколку години е на клуата на гостиварскиот второлигаш ФК Гостивар, каде бележи добри резултати. Во секоја ситуација е расположен и подготвен да одговори на медиумите во врска со фудбалот.

За фудбалот во Гостивар, за плановите и амбициите на клубот во претстојната сезона разговараме со шефот на стручен штаб на ФК Гостивар, Менсур Јакупи.

Вие сте еден од ретките, ако не и единствен тренер со УЕФА Про лиценца во Гостивар. Што овозможуваа таа лиценца и како стигнавте до неа?

– Да, со оваа УЕФА Про лиценца може да се работи низ цел свет, односно во сите држави кои се членки на УЕФА и ФИФА. Лиценцата се добива преку едукативниот центар на Фудбалската федерација на Македонија која ги има сите три нивоа Б, А и Про лиценци.

Од кога сте на клупата на ФК Гостивар?

– Во ФК Гостивар сум 2,5 години. Ја презедов екипата сезона 2015/2016 во пролетниот дел.

Какво е вашето гледање на фудбалот во Гостивар воопшто, ги има ли градот сите потребни услови и капацитети за работа? Има ли Гостивар фудбалски таленти?

– Фудбалот во Гостивар последниве 4-5 години се развива на задоволително ниво. Од оваа сезона освен ФК Гостивар ќе имаме уште една екипа во Втора лига, екипата на Генч Калемлер од Долна Бањица. Ова е од големо значење за нашиот град. Се отвора голема можност на младите талентирани фудблери да се докажат и развијат во професионални фудбалери.

Минатата сезона стигнавте до бараж, за малку не успеавте да влезете во Првата МФЛ. Кои се целите и очекувањате на ФК Гостивар за следната сезона?

– Минатата сезона беше добра сезона за нас, бевме многу блиску преку бараж да влеземе во Прва лига. Оваа сезона се надеваме на директен пласман во најелитното фудбалско натпреварување.

Каква е финансиската состојба во клубот? Може ли да очекуваме сериозни фудбалски имиња во ФК Гостивар?

– Финансиската состојба во клубот е задоволителна. Во моментов само општина Гостивар не финансира, но претседателот на клубот Висар Адеми прави напори да привлече и приватен капитал. Се надеваме дека и во иднина ќе имаме стабилна финансиска состоја.

Може ли во Гостивар и во Република Македонија да  се живее од фудбал?

– Во моментов има само два клуба во државава кои се финансики моќни тоа се Шкендија и Вардар. Другите клубови се далеку од нив и тешко дека кај нас може да се живее само од фудбал.

Според вас кој е најдобар фудбалски тренер во државава и кој е најдобар стратег на светот?

– Во Македонија има многу квалитетни фудбалски тренери, во моментов би го издвоил Ќатип Османи кој со Шкендија освои двојна титула. Исто, низ светот има добри тренери што е тешко да се издвои кој е најдобар. Но, му давам мала предност на Пеп Гвардиола.

За крај, што ќе им порачате на љубителите на фудбалот во Гостивар?

– Им порачувам на родителите да ги насочуваат децата кон спортот, да ги запишуваат во фудбалската школа на ФК Гостивар. Компаниите и бизнисмените да се вклучат во поддршка на фудбалот. И љубителите на фудбалот повеќе да бидат присутни на фудбалските натпревари на ФК Гостивар.

Оставете коментар

Вашата Емаил адреса нема да биде објавена.Задолжителните полиња се означени *

*