Какво ќе биде времето за 1 мај?

Денот на трудот, кај нас традиционално се одбележува со пикник, скари, зеленило на некое од излетничките места во околината. Од временските услови зависи како ќе се помине овој ден.

За овој 1-ви мај во Маврово метеролозите прогнозираат умерено облачно време, со можни врнежи од дожд во утринските часови. Попладне, после 12 часот се очекува облачно време со повремени сончеви периоди. Температурите ќе се движат од 5 до 15 степени.

На пониските места во околината на Гостивар времето ќе биде умерено облачно со сончеви периоди, без врнежи од дожд. Температурите ќе се движат од 5 до 19 степени.