Поврзи се со нас

Локални избори 2017

Кандидатот за советник од Коалицијата предводена од СДСМ, Лекоски претстави дел од проектите во Изборната програма

 

Бобан Лекоски, кандидат на советничката листа за Гостивар од Коалицијата предводена од СДСМ, денес одржа прес конференција на која, барајќи ја поддршката од граѓаните, образложи неколку поважни проекти во нивната Изборна програма.

„Коалицијата предводена од СДСМ ќе обезбеди справување со сообраќајниот хаос преку изградба на катна гаража во склоп на новиот предвиден градски пазар и преку отворање на Булеварот ,,Браќа Ѓиноски“ од раскрсница на ул. ЈНА до Основен Суд Гостивар. Во нашата програма е предвидена и изградба на нов мост на реката Вардар кој ќе го спои бул. Браќа Ѓиноски со населбите Дутлок, Горна и Долна Бањица, паралелен на постоечкиот кој не ги исполнува потребните услови за фрекфенција на патнички и товарни возила. Гостивар нема ниту секојдневен пазар. Постоечкиот не ги исполнува секојдневните потреби на граѓаните, а ниту хигиенските и санитарни услови. Новиот современ пазар кој е дел од нашата програма би бил затворен зелен пазар кој ќе работи секојдневно. Во нашата програма е предвидено и конечно да се реши проблемот со квалитетот на водата во Гостивар. Ќе обезбедиме и изградба на прочистителна станица за отпадни води. За Гостивар и регионот, депонијата Русино, претставува најсериозен еколошки проблем. Ние тој проблем ќе го решиме преку јавно-приватно партнерство и овозможување на изградба на фабрика за рециклирање на отпад на веќе одредена локација“, потенцираше Лекоски кој е трет по ред на листата за советници за Советот на општина Гостивар.

Сподели:
Advertisement
Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!