Ќе ве згрее и опушти – Рецепт за домашно топло чоколадо

Во зимските денови, топлото чоколадо за многумина е еден од омилените пијалоци. Освен што е примамлив и неодоливо вкусен, најголемата придобивка од овој пијалок е што ги смирува нервите, односно има антистрес дејство. Топлото чоколадо стимулира ослободување на хормонот ендрофин, кој е задолжен за подигнување на расположението. Затоа, не двоумете се и конзумирајте по една чаша секој ден.

Можете да си го правите сами и тоа во понискокалорична и поздрава варијанта.

Состојки:

200 мл. млеко

150 гр. темно чоколадо

200 мл. слатка павлака

една мала лажица кафеав шеќер

по желба додадете цимет, рум, мускатно оревче и сл.

Измешајте ги млекото и слатката павлака и ставете ги да се варат на тивок оган. Чоколадото исецкајте го на ситни парчиња. Кога ќе зовријат млекото и павлаката, ставете го сецканото чоколадо и шеќерот и мешајте, се додека не добиете густа кремаста смеса. Ако ви се направат грутки, употребете миксер.

Вашето домашно топло чоколадо е готово!