КК Гостивар денес ќе го пречека залетаниот Феникс

Викендов на програмата е 17.коло од првата македонска кошаркарска лига, во кое екипата на Гостивар ќе ја пречека екипата на Феникс 2010.

Иако ова е премиерна сезона за тимот од Кисела Вода во најсилното натпреварување, Феникс со постигнатите резултати и храбрата игра ги освојува симпатиите на љубителите на кошарката во земјава, пред само три дена успеаа да го соборат и непобедливиот Пелистер, нанесувајќи им го првиот пораз во сезоната. Со 9 победи и 6 порази се наоѓаат на 7. позиција на табелата, во првата пресметка во Јане Сандански го совладаа и Гостивар.

КК Гостивар во овој дуел влегува со шест победи во низа, во трка за подобро позиционирање на табелата пред почетокот на Супер лигата, „бело-сините“ нема да имаат милост кон ниеден противник, па така ни кон денешниот. Засилени со американецот Кевин Дилард, кој треба да дебитира на денешниот натпревар гостиварци најавуваат продолжување на победничката серија.

Натпреварот се игра од 18 часот, преку интернет дуелот може да го следите ТУКА.