КК Гостивар денес му гостува на Пелистер во Битола

Десеттото коло од Првата македонска кошаркарска лига, денеска ќе го отворат екипите на Пелистер и КК Гостивар, два дена пред редовниот термин.

Лидерот на табелата не знае за пораз во домашното првенство, од 9 одиграни натпревари битолчани имаат 9 победи и сезонава се едни од главните фаворити за освојување на титулата. Скромен настап Пелистер има и во балканската АБА2 лига, каде имаат скор од 1 победа и 3 порази.

Од другата страна пак за гостиварци нема подобар начин со победа во салата „Боро Чурлевски“ во Битола, да се обидат да се рехабилитираат од поразот во претходното коло, на домашен терен од Навико Академија ФМП. И традицијата во пресметките помеѓу овие две екипи е на страната на гостиварци. Во последните 7 меѓусебни дуели на овие две екипи КК Гостивар има 5 победи, наспроти 2 на Пелистер.

Натпреварот се игра до 18.30 часот, МРТВ најави директен пренос од дербито на 10. коло.