КК Гостивар денеска ја пречекува екипата на Куманово (18 часот)

Кошаркарите на КК Гостивар денеска во рамки на 2.коло од Првата македонска кошаркарска лига ќе је пречекаат екипата на Куманово.

Кумановци важат за традиционално незгоден противник на гостиварци, ја започнаа домашната сезоната со победа против Ангели во првото коло, додека во квалификациите за Евро-купот загубија со повеќе од 20 поени разлика од австрискиот Сванс Гмунден. Холмс и Јосеф се играчите кои во овие натпревари се издвоија како најопасни во екипата на Куманово.

КК Гостивар го загуби премиерниот меч од Еуроникел, иако прикажа добра игра потклекна во последните минути. Избраниците на Александар Јончевски свесни се за пропуштената шанса и грешките од Кавадарци, што е најава за силен атак на победа во денешниот натпревар. И статистиката е на страна на домашната екипа од последните 13 натпревари одиграни помеѓу овие две екипи КК Гостивар има 7 победи, наспроти 6 на КК Куманово.

На радост на гостиварската публка, после скоро две години со овој натпревар се враќаат гледачите во Младост. Но, под посебни услови. Дозволено е присуство на 30% публика, за влез покрај билет задолжително е и сертификат за вакцинација.

Влезниците (400) се пуштени во претпродажба во B&B Tobacco во центарот на градот, мал дел ќе се продаваат и на благајна пред натпреварот.

Натпреварот се игра од 18 часот.