КК Гостивар ќе се бори со МЗТ Скопје за финале

Денеска се одигра и последното коло во Супер лигата од сезоната 2018/2019. КК Гостивар ја совлада екипата на Кожув во Гевгелија со резултат 85:89.

И конечено после девет месечна борба и 30 одиграни кола, познат е конечниот распоредот кој со кого ќе се сретне во полуфиналето на Ф4 завршницата.

КК Гостивар ќе разигрува со првопласираната екипа на табелата МЗТ Скопје. Металците имаа најдобар скор сезонава и заслужено се најдоа на врвот од табелата, позиција која носи предност од домашен терен во полуфиналето.

Полуфиналето се игра до три добиени натпревари.

Втората полуфинална двојка се Работнички и Блокотехна, центарци завршија втори на табелата што имаат предност од домашен терен во пресметката со Блокотехна, која пак вечерва не дозволи изненадување и ја совлада екипата на Куманово.

Според распоредот на КФСМ, првите натпревари треба да се одиграа на 26 мај.