КК Гостивар од 18 часот ја пречекува екипата на Кожув

Продолжуваат кошаркарските возбудувања во Првата македонска кошаркарска лига. Викендов на програмата е редовното 11.коло во кое Кошаркарскиот клуб Гостивар денеска ја пречекува екипата на Кожув од Гевгелија, впрочем ова е последно коло од есенскиот дел.

Ова е дуел на петтопласираната и осмопласираната екипа на табелата, но разликата е само поради кош разликата двете екипи имаат ист скор по 15 бодови, како и екипите на ТФТ, Еуроникел и Феникс.

Гевгеличани по лошото отворање на сезоната со 3 порази, ја консолидираа формата која има голем подем во играта и во резултатите, во последните 5 натпревари Кожув има 4 победи, за разлика од Гостивар, кој е во мини-криза, од 5 натпревари има 4 порази.

Традицијата во меѓусебните дуели помеѓу овие два клуба е на страна на домаќините, од 10 последни натпревари КК Гостивар има 6 победи, наспроти 4 на Кожув.

Натпреварот се игра од 18 часот.