КК Гостивар се подалеку од целта, загуби од Феникс 66-69

Домаќините го отворија натпреварот со 11-0 на почетокот. Гостите беа во подредена улога во првиот дел но не дозволија натпреварот да премине во целосно несакан правец. Иако целиот прв дел беа во негатива, во ниту еден момент не се откажаа од желбата за надигурвање, на паузата се замина со резултат 37-26.

И во почетните минути во второто полувреме делуваше дека гостиварци го контролираат натпреварот, но благодарение на добрата игра во третата четвртина која Феникс ја доби со (9-14), дојдоа на минус два 46-44 по што започна драмата во Младост. Предноста која варирше од 6 до 8 поени гостиварци ја прокоцкаа на две минути пред крајот. По поените на Михајлоски, Гостивар водеше со минимални (54:53). Силаџи ја зголеми предноста откако погоди едно слободно фрлање (55:53).

Тодоровиќ и Петков разменија по два поени, за (57:55), и само 35.секунди за конечен епилог на овој натпревар. Тодоровиќ, несвојствено за него, ги утна двете слободни фрлања. Казни веднаш Вилијамс за нерешени (57:57), на седум секунди пред крајот, во кои новата шанса за победа на Гостивар ја пропушти искусниот Јанески.

Во дополнителните пет минути, младите играчи на Феникс 2010 делуваа мошне поискусно во однос на противникот, го отворија продлжението со две тројки на Михајлоски и Трајковски, за највисока предност на Феникс на мечот (57-63). Финишот беше игра на нерви и знаење, а му припадна на Феникс со конечен резултат 66-69.

Најефикасен на натпреварот беше Тодоровиќ со 15, пред Ефремовски со 12 поени, додека кај Феникс иако не беше најдoбар стрелеc најмногу се истакна младиот Марин Петков, најефикасен беше Михајлоски со 13 поени.

За Гостивар овој пораз е голем чекор наназад во трката за место кое води во завршниот Плеј-оф.