КК Гостивар славеше на гостувањето во Чаир 93-97

Заврши вечерниот натпревар од 19. коло помеѓу Чаир 2030 и КК Гостивар во кој гостите славеа со резултат 93-97.

Доста ефикасно и изедначено прво полувреме одиграа кошаркарите на двете екипи. Првиот период им припадна на гостите (24-26), додека вториот (27-24) го добија домаќините, за на паузата се замине со резултат 51-50.

Во вториот дел продолжи лежерната, мека игра на двете страни. Гостиварци во третиот период успеаа да дојат до предност од +7 поени позитива, но домаќините брзо ја анулираа разликата пред истекот на третата четвртина. Кошаркарите на Гостивар фуриозно влегоа во последните 10 минути, брзо стигнувајќи до двоцифрена предност, позитивата успеаа да ја одржаат до крајот на натпреварот запишувајќи ја 13-тата победа сезонава.

Виктор Ефремовски беше најефикасен на натпреварот со 25 поени, Вучковиќ и Мустафица од Чаир постигнаа по 21 поен.