Поврзи се со нас

Спорт Гостивар

КК Гостивар загуби од Куманово 72:85

Кошаркарите на Кошаркарскиот клуб Гостивар, го доживаа вториот пораз сезонава, прв пред домашна публика во „Младост“. Загубија од екипата на Куманово со резулат 72:85.

 

Гостиварци добро го отворија мечот добивајќи ја првата четвртина (24:18), но тоа беше се што прикажаа на натпреварот. Вториот период заврши изедначено (18:18), на паузата се замина со +6 за домаќините, 42:36.

Второто полувреме целосно им припадна на гостите од Куманово, третиот период го добија со (13:26), последниот (17:23).

Четириесте скокови, одличниот шут за три и високиот процент на реализација за два поени, само ја потврдуваат добрата партија на кумановци која ја прикажаа во „Младост“. Кај Гостивар, Донован Доналдсон беше единствената светла точка, постигнувајќи 38 поени.

Марковски со 24 и Јаневски со 23 поени беа најефикасни кај екипата на Куманово.

Покрај Доналдсон 38, Џелетовиќ постина 14, Ре.Димитриевски 8, Тасовски 6, Димчевски и Вучковиќ по 3 поени за „бело-сините“ од Гостивар.

Во следното коло КК Гостивар му гостува на Пелистер во Битола.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!