Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 23/12/2018

КК Гостивар загуби од Работнички (89:78) – Ќе презими на 4-тата позиција на табелата

Кошаркарите на КК Гостивар загубија вчера на гостувањето во Градски парк од актуелниот шампион Работнички 89:78, по четвртини (29:19, 12:18, 19:25, 29:16)

Гостиварци потклекнаа во финишот, беа рамноправен противник во поголемиот дел од натпреварот. Успеаа резултатски да е вратат после првата четвртина која домаќинот ја доби со десет поени разлика. Отпорот се зголемуваше во втората, посебно во третата четвртина кои им припаднаа на гостиварци и го презедоа водството 57:59. Во последниот дел неколкупати се менуваше водството, но во самиот финиш попушти концентрацијата на гостите, на 4 минути пред крај Работнички направи серија од 9:0 и немаше повеќе време за нешто повеќе.

Кирил Николовски беше нерешлива енигма за одбраната на КК Гостивар, запиша 30 поени. Тој и Стајиќ 20, заедно, постигнаа повеќе од половина поени за домаќинот.

Кај „бело-сините“ најрасположени беа Фурстингер и Димчевски постигнаа по 17, Зеќири запиша 11 поени.

Со одигрувањето на последното коло од есенскиот дел, се разјасни сликата околу распоредот на табелата. КК Гостивар ќе презими на четвртата позиција со скор од 6 победи и 4 порази и кош разлика 110 во позитива.

Вториот дел од првенството започнува кон крајот на јануари.

Оставете коментар

Вашата Емаил адреса нема да биде објавена.Задолжителните полиња се означени *

*