Гостивар
Конституиран новиот Совет на Гостивар, претседател не се избра
Денес се одржа конститутивна седница на Советот на Општина Гостивар. Беа верифицирани мандатите на 29 од вкупно 31 советник. Два члена беа отсутни и нивните мандати ќе се верифицираат на следното состанување. Седницата, како што налагаат правилата, ја водеше највозрасниот член, Дашмир Арифи од движење Беса. На дневен ред се најдоа само две точки, формирање на комисија за верификација на мандати и комисија за финансии и локален економски развој. Советот, денес не избираше претседател.
Во своето обраќање, старо-новиот градоначалник на Гостивар, Арбен Таравари истакна дека ќе биде отворен за соработка со сите членови, без оглед на нивната политичка припадност.
„Ви го честитам мандатот и ви посакувам успешна работа во наредните четири години. Честопати во кампањата кажував дека после 17 октомври доаѓа 18 октомври, а после 31 октомври доаѓа 1 ноември и дека животот продолжува, а ние треба заедно да работиме за доброто на сите граѓани. Така беше и слоганот на кампањата Сите еднакви-сите гостиварци. На ист начин ја разбирам и работата на Советот. Дека треба да функционираме како едно семејство, заеднички да се трудиме да го направиме животот на граѓаните подобар. Јас ќе бидам отворен за соработка со сите вас, ќе обезбедиме и канцеларија за комуникација и ќе ги сослушаме сите ваши барања, проблеми, предлози и сл.“, рече Таравари.
Мнозинството во Советот на Општина Гостивар, го има Алијанса/Алтернатива заедно со ВМРО ДПМНЕ, Демократската партија на Турците на Македонија, БЕСА и Демократски сили на Ромите. Опозициски ќе делуваат ДУИ и СДСМ.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар