Контрола во полошко-Исклучени од сообраќај возачи под дејство на алкохол

Полициски службеници на СВР Тетово ноќеска од 21 до 3 часот спровеле акциска контрола на возачи – дали и колку од нив ги управуваат возилата под дејство на алкохол. При контролата откриени и законски санкционирани биле вкупно 6 возачи, по 3 во секој град, кај кои било утврдено присуство на алкохол во организмот.

„Сите се веднаш исклучени од сообраќај, изготвени им се поднесоци и ќе се соочат со парични глоби од 225 до 375 евра во денарска противвредност, зависно од степенот на нивната алкохолизираност. Покрај ова, тие ќе се соочат и со мерка – времено одземање на возачките дозволи од три месеци до една година. При контролата биле санкционирани и 17 други видови сообраќајни прекршоци.“, извести полицијата.
СВР Тетово повторно со апел до возачите да се воздржат од консумирање на алкохол без разлика на поводот, свеченоста на која присуствуваат и така натаму зашто, управувањето под дејство на алкохол ја доведува во ризик нивната и безбедноста на другите учесници на сообраќајот.