Рецепти
Летни шпагети – изненадувачки вкусен оброк
Со доаѓањето на летните денови сѐ помалку време ни се поминува во кујна, а поради топлото време и апетитот не ни е толку голем, па затоа бираме полесни оброци како салати, лесно месо, сосови, односно јадења кои брзо се подготвуваат.
Освен со вообичаените сосови, тестенините, исто така можат да бидат вкусни доколку ги подготвите со типично летен зеленчук. Еве еден рецепт со шпагети и летен зеленчук. Пробајте го, пријатно ќе се изненадите.
Состојки:
350 g шпагети
4 лажици маслиново масло
2 главици кромид
2 зелени пиперки
200 g тиквици
200 g модар патлиџан
2 домати
сол, бибер, босилек, лук (зачин)
1 коцка кокошја супа
рендан пармезан
Подготовка:
Лукот ситно исецкајте го. Од пиперките извадете ги семките и исецкајте ги на кришки, тиквиците на крукчиња, а модриот патлиџан на коцки. Доматите излупете ги, извадете им ги семките и исецкајте ги на поситни парчиња.
На загреаното масло пропржете го кромидот, додадете ја пиперката, промешајте па со ред додадете ги тиквиците, модрите патлиџани, доматите и коцката кокошја супа.
Гответе со додавање на бибер, босилек и лук додека зеленчукот не омекне. По потреба додадете и сол.
Во поголема количина врела посолена вода сварете ги шпагетите. Исцедете ги и прелијте ги со подготвениот зеленчук.
Одозгора посипете рендан пармезан.
По желба, во сосот може да додадете и пилешко месо исецкано на ситни парчиња.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар