Поврзи се со нас

Здравје и убавина

Лимон, овошје со долга листа на корисни својства

Објавено

на

Лимонот е богат со разни витамини и антиоксиданси, поради што се смета за еден од најздравите видови на овошје. Многу луѓе си прават лимонада со вода и многу шеќер, но тоa сепак не е баш здрава опција. Наместо тоа, подобро е да исцедите еден лимон во чаша топла или ладна вода и да додадете лажиче мед. Покрај тоа, можете да користите сок од лимон како прелив за салати. Треба да се напомене дека целиот лимон е здрав, вклучувајќи го и сокот и кората од лимонот, доколку е органски.

Ова цитрусно овошје има повеќекратни ефекти врз телото, поради што треба да се користи во исхраната.

Ќе изгледате помлади

Лимонот може да ви помогне да изгледате младолико благодарение на големата количина на витамин Ц. Има студии кои покажуваат дека големиот внес на овој витамин е поврзан со помалку сува кожа и помалку брчки.

Го намалува крвниот притисок

Високиот крвен притисок е поврзан со развој на голем број болести, вклучувајќи откажување на бубрезите и срцев удар. Лимонот може да помогне да се спречат овие состојби. Луѓето кои конзумирале барем половина лимон дневно и оделе по 7.000 чекори дневно имале значително подобар крвен притисок, се вели во една студијата. Се разбира, не треба да се потпирате само на лимон ако имате висок крвен притисок, но тој сигурно може делумно да ви помогне.

Нема да бидете гладни

Ако често се прејадувате, лимонот може да ви помогне затоа што содржи пектин, кој се наоѓа во лушпата и цитрусната пулпа, и кој ви помага да се чувствувате сити подолго.

Помага при слабеење

Лимонот е богат со полифеноли кои содржат антиоксиданси. Исто така, забележано е подобрување на нивото на шеќер во крвта, лептин и инсулин.

Помага при воспаление

Витаминот Ц има антиоксидантни својства кои ги ублажуваат воспаленијата.Тој е клучен во борбата против воспалението и во заштитата на имунолошките клетки.

Лимонот ги ублажува настинките

Лимонот може да ви помогне да закрепнете од настинка порано и да го зајакнете имунолошкиот систем. Покрај тоа, витаминот Ц помага при состојби поврзани со респираторни проблеми.

Ќе пиете повеќе вода

Водата помага при слабеење, го забрзува метаболизмот и обезбедува повеќе енергија. Понекогаш ни е здодевно да пиеме само обична вода. Ако додадете лимон во обична вода, добивате одличен освежителен пијалок.

Спречува појава на камења во бубрезите

Ако некогаш сте имале камен во бубрег, знаете каква болка носи со него. Но, ако лимонот е дел од вашата редовна исхрана, можеби нема да треба да се грижите за тоа. Лимонот има голема количина цитрат, што е докажано дека спречува појава на камења во бубрезите.

Го подобрува холестеролот

Лимонот е полн со состојки кои се борат против холестеролот, вклучително и витамин Ц, за кој е докажано дека го намалува нивото на лош холестерол. Покрај тоа, лимонот содржи флавоноиди кои го намалуваат нивото на лош холестерол и триглицериди.

Лимонот е добар за здравјето на мозокот

Иако луѓето често се фокусираат на она што е добро за одредени делови од телото, тие не треба да го заборават мозокот. Одредени состојби, како што е Алцхајмерова болест, може да се појават кај некои луѓе на одредена возраст. Затоа, важно е да се обрне внимание на некои животни навики, но и диета со цел да се намали ризикот од развој на такви состојби.

Студија објавена во списанието за Алцхајмерова болест покажала дека лимонот може да спречи сериозен ментален пад. Одржувањето на здрави нивоа на витамин Ц заштитува од когнитивниот пад поврзан со возраста. Затоа, проверете дали внесувате доволно витамин Ц за да го заштитите вашиот мозок.

Помага при движења на дебелото црево

Лимонот е добар и за одржување на здравјето на дигестивниот тракт. Благодарение на неговата висока содржина на растворливи влакна, лимонот помага при редовно празнење на дебелото црево. Покрај тоа, ова овошје содржи и лимонска киселина, која исто така помага при варење.

Ќе имате свеж здив

Киселината содржана во лимон ќе ви го освежи здивот и ќе ги неутрализира непријатните мириси. Ако сте јаделе лук или кромид и сакате да се ослободите од непријатниот мирис, земете лимон.

Иако лимонот е одличен за лош здив, лимонската киселина може трајно да ја оштети забната глеѓ. Ова може да доведе до промена на бојата на забите и прекумерна чувствителност, и на крајот до кариес и евентуално расипување на забите. Значи, и покрај бројните здравствени придобивки што ги има лимонот, умерената потрошувачка е клучна.

Сподели ја веста:
Advertisement
Advertisement
Advertisement
Advertisement

Огласи за вработување:

Гостиварпред 3 недели

Света архијерејска Василиева литургија во Гостивар со гости од Србија и чин на ракоположување

Гостиварпред 1 месец

Со љубов и почит кон корените – „Танец“ одржа концерт во Гостивар

Гостиварпред 3 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 3 месеци

Ангелчињата во Гостивар го најавија Христовото раѓање-Бадникова поворка 2024

Спортпред 4 месеци

По првиот круг од сезоната КК Гостивар „виси“ на 8-та позиција на табелата

Спортпред 4 месеци

Кехинде од пенал му пресуди на Македонија Ѓорче Петров 1-0

Гостиварпред 7 месеци

Стефановски: Гостивар одличен како домаќин и публика, благодариме од срце!

Спортпред 8 месеци

ФК Гостивар загуби на домашен терен од Силекс 1-2

Гостиварпред 8 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

АНКЕТА:

Дали ќе гласате на претстојните ПРЕТСЕДАТЕЛСКИ и ПАРЛАМЕНТАРНИ ИЗБОРИ 2024?
Advertisement
Advertisement

Популарно изминативе 100 дена