Македонија на 90 минути од Европско првенство – Денес од 18 часот против Грузија

Фудбалската репрезентација на Македонија, денеска во Тбилиси, го игра најзначајниот натпревар во својата фудбалска историја. Со победа над Грузија, македонските фудбалери ќе изборат пласман на Европското првенство. Ниту Македонија ниту Грузија досега не настапиле на ните едно големо натпреварување како Европскиот шампионат.

Игор Ангеловски има проблеми со составување на тимот поради позитивните тестови на Ристевски и  Велковски, неочекуваната повреда на Барди ќе биде најголемиот хендикеп за „црвено-жолтите“, неизвесен и е капитенот на Динамо, Аријан Адеми, сепак селекторот најавува дека националниот тим ќе атакува на победа.

Проблеми околу составот има и Владимир Вајс, на Грузијците ќе им недостасуваат тројца мноу важни играчи, Чакветаѕе, Кваратцкелија и Шенгелија.

За очекување е македонската селекција да излезе во формација 3-5-2, со Димитриевски на голот, Бејтулаи, Муслиу и Велкоски во одбраната, по страничните позиции стандардно Стефан Ристовски десно и Езгијан Алиоски лево. Во средината Николов, Спировски или Адеми и Елиф Елмас во редот за врска како поддршка за напаѓачите Несторовски и Пандев.

Мечот на „Динамо арена“ ќе започне во 18 часот, а ќе го суди искусниот Англичанец Ентони Тејлор.