Манчестер Сити купува фудбалер на Младост Лучани за 2,2 милиони евра

Младиот и суперталентиран играч за врска од тимот на Младост Лучани, Ѓорѓе Гордиќ потпиша договор со ни помалку ни повеќе туку премиерлигашкиот гигант Манчестер Сити, соопштија британските медиуми.

Офанзивецот кој има само 17 години сезонава забележа 25 настапи во српската Суперлига и додаде четири гола.

Младост ќе заработи 2,2 милиони евра од овој историски трансфер, а условите се Гордиќ и следната сезона да остане на позајмица во овој клуб, за што на српскиот прволигаш ќе му се доплаќа по 10.000 евра за секој одигран натпревар на Гордиќ.

Јасно е дека ова е одлична работа за српскиот клуб, кој сезонава првенството го заврши на 9. место со само 6 победи во Првата фудбалска лига на Србија.