Македонија
„Милениумска патека“ по Сува Гора се одржа по шести пат
Денеска на падините на Сува Гора по шести пат се одржа планинарско-рекреативната акција „Милениумска патека“, во организација на Планинарскиот клуб „Јелак“ од Тетово во соработка со Комисијата за односи со верски заедници и религиозни групи и Македонската Православна Црква.
Манифестација која за прв пат беше одржана 2018 година по повод јубилејот „1000 години Охридска Архиепископија“.
„Името и мотивот беше голем за да се организира ваква планинарска акција. Инаку, за оваа планинарска манифестација „Милениумска патека“ можам со гордост да ви кажам дека пред два месеци доби решение за заштита на името од Заводот за индустриска сопственост. Оваа година учесници имаме од повеќе градови од земјава, односно од Велес, Скопје, Куманово, Кичево, Тетово и Гостивар, а вкупната бројка планинари изнесува 120, кажа за Gostivarpress.mk претседателот на планинарскиот клуб Јелак, Борис Стојаноски – Цули.
Планинарската група тргна од селото Блаце од црквата Св. Троица, се движеше по маркирана патека до црквата Св. Петка. Од тука се упати до Ранохристијанската базилика која датира уште од четвртиот век, над селото Стенче, потоа во посета на централната црква Св. Илија во село Стенче. Од тука групата се упати до црквата Св. Екатерина. За крај да се посети црквата Св. Георги Победоносец – Волковска чука и се заврши со посета на Црквата Св. Мина во Волковија.
Вкупна должина на патеката е 9 километри.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница