Митрополитот г.Јосиф во посета на храмови во изградба во гостиварско

Митрополитот на Тетовско-гостиварската епархија г. Јосиф во текот на вчерашниот ден посети православни храмови коишто се во фаза на изградба во гостиварскиот регион.

Во придружба на ктиторите и црковните одбори г.Јосиф ги посети храмовите во изградба „Свето Преображение Христово“ во населба Циглана во Гостивар, „Свети Климент Охридски“ во селото Пожаране и храмот „Успение на Пресвета Богородица“ во село Леуново.

При обиколката Владиката имаше можност да увиди како течат работите, до која фаза се реализирани и кои се планираните активности за следниот период.

Како што информираа од Тетовско-гостиварската епархија, г.Јосиф даде благослов за понатамошните архитектонско-градежни и урбанистички фази коишто се неопходни за продолжување на изградба на овие велелепни храмови.