Млака вода и мед – напиток против стомачни тегоби

Овој едноставен напиток кој ја содржи една од најздравите намирници во светот е вистински сојузник во одржувањето на добро здравје и витка фигура. Општо е познато дека медот е една од најздравите намирници, но во комбинација со млака вода се добива напиток кој го помага варењето на храната и го забрзува метаболизмот, а се вели дека здравјето ни доаѓа од стомакот.

Па така во 2 dcl млака вода, (не врела бидејќи високата температура ги уништува сите хранливи и корисни состојки на медот), ставете една кафена лажичка мед. Добро измешајте и почекајте медот целосно да се раствори. Вака подготвениот напиток пијте го секое утро на гладен стомак. Лесно и едноставно.

Овој напиток, млака вода и мед, го олеснува преминувањето на храната од тенкото во дебелото црево, ги неутрализира гасовите што се создаваат во дигестивниот систем, го смирува желудникот, помага при лечење на чир на желидник или бактериски гастроентеритис. Исто така, помага при исфрлање на токсини, делува антибактериски. Медот е полн со ензими, витамини и минерали кои се борат против штетните микроорганизми. Ги ублажува алергиите, а особено му помага на телото да не реагира на полен и така ја намалува чувствителноста од самата животна средина. Го регулира и нивото на шеќер.